საკონკურსო ნიმუშის წარდგენის პროცედურა

საჯარო და კერძო სკოლების მოსწავლეებისა და მასწავლებლებისათვის:

კონკურსის შესარჩევ ტურში  მონაწილეობის მსურველმა მოსწავლემ (მასწავლებელმა) ხელნაწერი ნიმუში წარადგინა სკოლაში, თითოეულმა სკოლამ - შესაბამის რესურსცენტრში, ხოლო რესურსცენტრებმა უზუნველყვეს წარმოდგენილი საკონკურსო ნიმუშების განათლებისა და მეცნიერების სამინისტროსთვის გადაცემა. სამინისტროდან საკონკურსო ნიმუშები გამოიგზავნა ხელნაწერთა ეროვნულ ცენტრში.

სტუდენტებისა და სხვა დაინტერესებული პირებისათვის:

კონკურსის შესარჩევ ტურში  მონაწილეობის მსურველმა სტუდენტებმა და სხვა ზრდასრულმა დაინტერესებულმა პირებმა საკონკურსო ნიმუში წარმოადგინეს ხელნაწერთა ეროვნული ცენტრის განათლების დეპარტამენტში. 

საქართველოს ფარგლებს გარეთ მცხოვრები კონკურსანტებისათვის:

კონკურსში ჩართულობის კოორდინირებას უზრუნველყოფდა დიასპორის საკითხებში საქართველოს სახელმწიფო მინისტრის აპარატი;

საზღვარგარეთ მცხოვრებმა კონკურსის მონაწილეებმა წარმოადგინეს მათ მიერ შესრულებული ხელნაწერის სკანირებული ასლი საქართველოს სახელმწიფო მინისტრის აპარატის საკონტაქტო პირის ელექტრონულ მისამართზე.