ღონისძიების ორგანიზატორები იყვნენ: სოფელ არალის წმინდა ნინოს სახელობის ტაძრის მღვდელი, მამა იოსები, ადიგენის მუნიციპალიტეტის გამგეობა, საქართველოს იუსტიციის სამინისტროს ეროვნული არქივი და ხელნაწერთა ეროვნული ცენტრი.

გამოფენაზე ცენტრმა თავისი უმდიდრესი ფოტოკოლექციიდან წარმოადგინა თურქეთის ქართველების ყოფა-ცხოვრების ამსახველი უნიკალური ფოტოები, რომლებიც XX საუკუნის დასაწყისშია გადაღებული. ასევე გამოიფინა ქართული ხელნაწერების ფოტორეპროდუქციები და სამხრეთ საქართველოში გადაწერილი უძველესი მოხატული ხელნაწერი წიგნები (წყაროსთავსი სახარება X-XI სს; ვარძიის ოთხთავი XII-XII სს; იოანე ოქროპირის მათეს თავის თარგმანება XI ს).

პროექტის მიზანი იყო სოფელ არალის წმინდა ნინოს სახელობის ტაძრის სამრევლო სკოლის მოსწავლეების კულტურულ-შემეცნებით ღონისძიებებში ჩართვა და მათთვის სამხრეთ საქართველოს ისტორიისა და კულტურის გაცნობა.

ღონისძიებაზე გაიმართა პროექტის პრეზენტაცია, რომლის მიხედვითაც გათვალისწინებულია სოფელ არალში უნარშეზღუდული ბავშვებისთვის სკოლის გახსნა.