|  Geo |  Eng
   
   
     
     
    

 

 
 
 





 

   
 

 

   
       
 
 ხელოვნების ისტორიის დეპარტამენტი

 

ხელმძღვანელი

ნინო ქავთარია
ხელოვნებათმცოდნეობის დოქტორი
Tel: (+995 32) 2 47 42 42
E-mail: 
nino.kavtaria@manuscript.ac.ge  

   

თანამშრომლები

გაფორმების შესწავლის გაზრდილმა ინტერესმა თანამედროვე ხელოვნებათმცოდნეობით მეცნიერებაში თავიდანვე დააყენა ქართული ხელნაწერი წიგნის ხელოვნების კვლევის საკითხი. ქართული წიგნის ხელოვნება (უმდიდრესი მასალის მიუხედავად) დღესდღეობით ქართული ხელოვნების ყველაზე ნაკლებად შესწავლილი სფეროა.

დეპარტამენტის უპირველეს ამოცანად გვესახება ხელნაწერებში ჩართულ მინიატურათა კორპუსის შედგენა (რომელიც სრულდება) და მისი გამოსაცემად მომზადება.

დეპარტამენტის თანამშრომელთა ამოცანაა მხატვრულ და პალეოგრაფიულ მასალაზე დაყრდნობით, ქრონოლოგიურ ჭრილში სხვადასხვა სკრიპტორიუმის საქმიანობის გამოკვლევა, მათი მხატვრული თავისებურებებისა და კავშირების შესწავლა. ხელნაწერთა მინიატურები უნდა შევისწავლოთ მხატვრული ფორმის ევოლუციის კონტექსტში, მხატვრული პრინციპების გათვალისწინებით; განსაკუთრებული ყურადღება  უნდა გამახვილდეს ტექსტისა და გაფორმების კომპოზიციური ურთიერთმიმართების საკითხზე, მხატვრისა და გადამწერის ურთიერთანამშრომლობაზე, სტილის განვითარების საერთო ხაზსა და მხატვრული ტრადიციის მდგრადობაზე, ყდების მხატვრულ გაფორმებაზე.

ხელნაწერთა გაფორმების ფუნდამენტური შესწავლით უნდა წარმოვაჩინოთ თითოეული ხელნაწერისათვის დამახასიათებელი იკონოგრაფიული პროგრამა და მხატვრულ-დეკორატიული თავისებურებები. ამის საფუძველზე  კი უნდა მოხდეს ცალკეული სკრიპტორიუმისა თუ ეპოქისათვის დამახასიათებელი თავისებურებების დაზუსტება, უნდა დადგინდეს საკუთრივ სხვადასხვა შინაარსის (ოთხთავი, დავითნი, ჰომილიები, ზატიკი, სვინაქსარი, დაუჯდომელი და სხვა) ქართული ხელნაწერი წიგნისათვის დამახასიათებელი გაფორმების პროგრამა, მხატვრულ მიდგომათა ერთობლიობა.

ამდენად, გამოვყოფთ დეპარტამენტის მუშაობის ძირითად ასპექტებს:

  • მინიატურათა კორპუსის გამოსაცემად მომზადება
  • ხელნაწერი წიგნის გაფორმების კვლევა ქრონოლოგიურ ჭრილში
  • ხელნაწერი წიგნის გაფორმების კვლევა სივრცულ ჭრილში
  • ხელნაწერი წიგნის გაფორმების კვლევა თემატურ ჭრილში
  • ხელნაწერთა კვლევა პიროვნულ ჭრილში (გადამწერი, მხატვარი, შემმოსველი)

ამ დეპარტამენტის დაარსება გამოაცოცხლებს და წინ წასწევს ქართული ხელოვნებათმცოდნეობითი მეცნიერების ამ დარგის განვითარებას.
 

 ძიება საიტზე
 
მონაწილეობის მსურველებისთვის თეზისების გამოგზავნის ბოლო ვადაა 1 ნოემბერი.
 დაწვრილებით
ხელნაწერთა ეროვნული ცენტრისა და საქართველოს განათლებისა და მეცნიერების სამინისტროს ერთობლივი პროექტი კონკურსი "ქართული კალიგრაფია" დაიწყო. შესარჩევი ტური ჩატარდება 28 ოქტომბრიდან 14 ნოემბრის ჩათვლით.
 დაწვრილებით
ხელნაწერთა ეროვნულ ცენტრში 2014 წლის 17 ოქტომბერს აფხაზეთის ავტონომიური რესპუბლიკის განათლებისა და კულტურის სამინისტროს სამოქალაქო და კულტურის განათლების ქვეპროგრამის ფარგლებში გაიხსნა ახალგაზრდული ბანაკი აფხაზეთიდან დევნილი მოსწავლეებისათვის...
 დაწვრილებით
ხელნაწერთა ეროვნულ ცენტრში 7-9 ოქტომბერს ჩატარდა სტაჟიორთა შესარჩევი გასაუბრება. სტაჟირების კომისიის სხდომა მიმდინარეობდა სამი დღის განმავლობაში. კომისიამ განიხილა 62 (სამოცდაორი) განაცხადი. სტაჟირების კანდიდატებთან გასაუბრება ჩატარდა...
 დაწვრილებით
21–25 ოქტომბერს ხელნაწერთა ეროვნული ცენტრის ორგანიზებითა და საქართველოში იტალიის საელჩოს მხადაჭერით ევროპის სახლში პროექტი „საქართველო–იტალია კულტურული დიალოგი“ გაიმართება.
 დაწვრილებით
  ყველა სიახლე
  17.10.2014 | ხელნაწერთა ეროვნული ცენტრისა და აფხაზეთის ა/რ განათლებისა და კულტურის სამინისტროს ახალგაზრდული ბანაკი აფხაზეთიდან დევნილი მოსწავლეებისათვის
  10.10.2014 | ხელნაწერთა ეროვნული ცენტრის III საერთაშორისო კონფერენცია "ტაო-კლარჯეთი"
  09.10.2014 | ჰონორარი ახალგაზრდა მკვლევარებისთვის
  22.09.2014 | მოქვის სახარების გამოფენა–პრეზენტაცია სახელწოდებით: „ერთად გადარჩენილი მოქვის სახარება“
  22.09.2014 | ხელნაწერთა ეროვნული ცენტრის მეგობართა საზოგადოება აცხადებს მოხალისეთა მიღებას
 ყველა სიახლე